Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 158 Hüküm no: 146 Orijinal metin no: [28a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İdris b. Ömer’in Mustafa Bey b. Gazanfer’e olan borcunu ikrar ettiği Mahmiye-i Kostantıniyye’de Baklahanı kurbunda Darbhâne mahallesinde sâkin olan sipâh tâyifesinden bâ‘isü’l-kitâb Mustafa Bey b. Gazanfer nâm kimesne meclis-i şer‘-i şerîfde, kazâ-i Galata tevâbi‘inden Kasımpaşa kasabasında Yahya Kethüdâ odalarında sâkin olan İdris b. Ömer Amr nâm kimesne mahzarında takrîr-i kelâm edip, bundan akdem mezbûr İdris’in zimmetinde cihet-i karzdan sekiz bin akçem alıp hâlâ taleb eylediğimde, yedi bin akçesin ikrâr ve bin akçesin inkâr etmekle mezbûru ihzâr eyledim. Vâki‘ hâl mezbûrdan suâl olunup i‘tirâfı mûcebince zikr olunan yedi bin akçe alıverilmek taleb ederim dedikde, gıbbe’s-suâl mezbûr İdris cevâbında, fi’l-vâki‘ mezbûr Mustafa Bey’e vech-i meşrûh üzre cihet-i karzdan yedi bin akçe lâzımü’l-edâ deynim vardır dedikde, gıbbe’t-tasdîki’ş-şer‘î edâsına tenbîh olunup mâ hüve’l-vâki‘ bi’t-taleb ketb olundu. Tahrîren fi’l-yevmi’s-sânî aşer min şehri Rebî‘ilâhir li sene selâsin ve erba‘în ve elf. Şuhûdü’l-hâl: Halil Bey b. Salih el-Cündî, Siyavuş Bey b. Abdullah el-Cündî, Mehmed Beşe b. İsmail er-Râcil, Abdülganî b. Ali er-Râcil, Hüseyin Çelebi b. Abdullah, Ferhad Bey b. Hasan el-Cündî.