Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 160 Hüküm no: 148 Orijinal metin no: [28b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çoban Mustafa Paşa Vakfı İstanbul akarâtı câbîsi Ramazan Bey b. Şaban’ın sefere gideceğinden yerine vekil tayin ettiği Mahrûse-i Üsküdar kazâsına tâbi‘ kasaba-i Gekvize’de medfûn olan merhûm Mustafa Paşa Vakfı’ndan mahmiye-i İstanbul’da vâki‘ olan akārâtına yevmî beşer akçe ile kâtib ve sâyir evkāfına câbî olan Ramazan Bey b. Şaban nâm kimesne zümre-i sipâhiden olup, hâlâ sefer-i hümâyûna teveccüh iktizâ etmeğin, yerine işbu hâzır bi’l-meclis olan Mehmed b. Mehmed nâm kimesneyi tevkîl ve kāimmakām nasb eyleyip ol dahi kabûl ve hizmet-i lâzımesini edâya müte‘ahhid olmağın, sûret-i hâl bi’t-taleb ketb olundu. Tahrîren fî evâsıtı Rebî‘i’lâhir li sene selâsin ve erba‘în ve elf. Şuhûdü’l-hâl: Mehmed b. Murad, Kasım b. Osman, Mustafa b. Mehmed, Ahmed b. Mahmud.