Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 163 Hüküm no: 154 Orijinal metin no: [29a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa b. Mahmud’un Rus asıllı cariyesini âzat ettiği Dâru’l-hilâfeti’l-aliyye mahmiye-i Kostantıniyye mahallâtından Murad Paşa-yı atîk mahallesinde sâkin olan fahrü’l-emâsil ve’l-akrân İbrahim Ağa b. Mahmud meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup, kendisine rıkkını mu‘terife, orta boylu, açık kaşlı, elâ gözlü, Rûsiyyetü’l-asl hâmile-i hâze’l-kitâb Peymâne bt. Abdullah nâm câriye-i memlûkesini hasbeten lillâhi te‘âlâ ve taleben li-marzâti rabbihi’l-a‘lâ âzat ve tahrîr ettiğini ikrâr ve i‘tirâf etti. Câriye-i mezbûre bu sûretle sâir harâir-i asliyyât-ı mükellefât gibi hurre oldu. Efendilerin âzatlı köleleri üzerinde şer‘an sâhib oldukları velâ hakkından gayrı üzerinde kimesnenin bir hakkı kalmadı. Cerâ zâlike ve hurrire fi’l-yevmi’r-râbi‘ aşere min şehri Rebî‘ilâhir sene selâse ve erba‘în ve elf. Şuhûdü’l-hâl: Es-Sâbikūn el-mezkûrûn