Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 177 Hüküm no: 175 Orijinal metin no: [32b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Mahmud’un evini bey‘ bi’l-istiğlâl ile Ramazan b. Osman’a sattığı Hâric-i mahmiye-i Galata’da vâki‘ Kulaksız mahallesinde sâkin olan İbrahim b. Mahmud nâm kimesne meclis-i şer‘-i şerîfde -sâneha’llâhü te‘âlâ ani’t-tağyîr ve’t-tahrîf- hâzır olup işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i mezkûrede vâki‘, üstünde beyt, onun üstünde de kameriye bulunan tahtânî bir beyti, altında dükkân bulunan fevkānî bir beyti, eşcâr-ı müsmire ve gayr-ı müsmireli bahçeyi, su kuyusunu, helâyı müştemil olan, bir tarafdan Mehmed Reis b. Nuh mülkü, diğer tarafdan Ali b. Abdullah mülkü, öteki tarafdan Fâtıma Hâtun vakfı ve diğer tarafdan da tarîk-i âm ile mahdûd olan cemî‘-i menzilini cümle hudûdu ve kâffe-i hukūku ile râyicü’l-vakt on beş bin akçe semen-i mu‘ayyen-i makbûzla mahmiye-i Kostantıniyye’de vâki‘ Kestel câmii müezzini hâfız-ı hâze’l-kitâb Ramazan b. Osman’a bey‘ ettiğini ikrâr ve i‘tirâf etti. Ramazan el-mezbûr da kendi mâlıyla ve istiğlâl maksadıyla menzili mezbûru iştirâ etti. Bâyi‘-i merkūmun menzili icâreye almak istemesi üzerine müşterî-i mezkûr ba‘de’t-tahliye ve’t-tekābuz zeyilde mezkûr târihden bir sene tamâmına iki bin sekiz yüz seksen akçe ücret-i kirâ ile icâreye verdi. Vâki‘ ikrâr, mukarrun leh el-mezbûr tarafından bi’l-muvâcehe tasdîk edildi. Cerâ zâlike ve hurrire fi’l-yevmi’l-ışrîn min Rebî‘ilâhir min şuhûri sene selâse ve erba‘în ve elf. Şuhûdü’l-hâl: Mustafa Çelebi b. İbrahim, Ahmed Efendi b. ( ), Mehmed Çelebi b. ( ), Mustafa b. Ramazan, Yusuf b. Ramazan