Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 183 Hüküm no: 182 Orijinal metin no: [34b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. İbrahim’in vârisleri olan Sâime Hatun bt. Abdullah ile Mehmed b. İbrahim’in miras uyuşmazlığında sulh oldukları Mahmiye-i Kostantıniyye mahallâtından Sinan Paşa mahallesinde sâkine iken bundan akdem fevt olan Mustafa b. İbrahim’in verâsetinin Sâime Hâtun bt. Abdullah nâm zevcesine ve mahalle-i mezbûrede sâkin olan ana-baba bir kardeşi Mehmed b. İbrahim’e münhasır olduğu hâkim-i muvakki‘-i a‘lâ hâze’l-kitâb indinde zâhir olup tebeyyün ettiğinde mezbûr Mehmed meclis-i şer‘-i şerîfe hâzır olup râfi‘atü kitâb mezbûre Sâime Hâtun mahzarında mezkûre Sâime Hâtun ile sulh olduğunu ikrâr etti. Mezbûre Sâime Hâtun da müteveffâ-i mezkûr kardeşinden intikāl eden urûz, akār, esbâb-ı beyt, nühâs, evânî, nukūd, libâs ve gayrından olan hisse-i şer‘iyyesinden doğan nizâ‘da râyicü’l-vakt altı bin akçe sulh bedeli üzre mezbûr Mehmed ile sulh oldu. Sonra her biri diğerinin zimmetini cemî‘-i de‘âvî ve mîrâs-ı mezkûreye müte‘allik münâza‘âttan kātı‘an li’n-nizâ‘ ve hâsimen li-mâddeti’ş-şikāk ibrâ eyledi. Vâki‘ ikrâr mezbûre Sâime Hâtun kıbelinden tasdîk edildi. Cerâ zâlike ve hurrire fî evâhiri Rebî‘ilâhir sene selâse ve erba‘în ve elf. Şuhûdü’l-hâl: Ramazan b. Abdullah, Mehmed Halîfe b. Nuh el-İmâm, Ahmed b. Mehmed, Mehmed b. Halil, Mehmed Çelebi b. Veli, Hasan b. Ali, Mehmed b. Abdullah, Osman b. ( ), İbrahim b. Halil