Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 198 Hüküm no: 201 Orijinal metin no: [38b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çavuş’un Mehmed Ağa’da mal bedelinden alacağı olduğu Udûlden el-Hâc Ali b. Sefer ve Murtaza b. Abdullah nâm kimesneler meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzırân olup, bundan akdem fevt olan ve verâseti kendisine münhasır bulunan kardeşi merhûm Mehmed Ağa’nın muhallefâtına vâzı‘-ı yed olan ve husûs-ı âtiyyü’z-zikri inkâr eden fahrü’l-akrân Selim Efendi nâm hasm-ı câhid mahzarında, hâfız-ı hâzihi’l-vesîka Ahmed Çavuş b. ( )’dan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i mezbûrun, müteveffâ-i merkūmun zimmetinde vasfı beynlerinde ma‘lûm emti‘a-i makbûze semeninden râyicü’l-vakt on bin yedi yüz akçe hakkı vardır. Elân müdde‘î-i mezkûrun alacağını müteveffâ-i mesfûrun muhallefâtından talebe hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın ba‘de’t-tahlîf mûcibince hükmedildi. Cerâ zâlike ve hurrire fi’l-yevmi’s-sâbi‘ min şehri Rebî‘ilevvel sene selâse ve erba‘în ve elf. Şuhûdü’l-hâl: Fahrü’l-akrân Mirza Çavuş b. Mustafa, Yusuf Ağa b. Kadı reisü’l-muhzırîn, Mehmed Beşe b. Yusuf çukadâr, Mehmed b. Ali