Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 227 Hüküm no: 238 Orijinal metin no: [46b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Binası yanmış olan vakıf arsanın Yahya Efendi neslinden birisine tevcih edildiği Mahmiye-i İstanbul’da ( ) mahallesinde vâki‘ tarîk-i âm ve tarafeyni merhûm Kadızâde mescidi ve merhûm Yahya Efendi veresesi mülkleri ile mahdûd menzil evkāf-ı kadîm ashâbından Hatîbzâde Süleyman Efendi nâm kimesnenin vakfı olup süknâsı ulemâya meşrût olmakla, mukaddemâ mutasarrıf olan mahmiye-i Âmid kazâsından münfasıl merhûm İbrahim Efendi veresesi yedlerinde iken hâlâ vâki‘ olan harîk-i azîmde muhterik olup, cânib-i vakıfda tecdîd ve imârete imkân olmamağın, arsa-i mezkûr üzerine ihdâs-ı binâ etmek için merhûm-ı müşârunileyh Yahya Efendi’nin necl-i nesîl ve selîl-i asılları umdetü’l-mehâdîmü’l-kirâm kıdvetü’l-müderrisîni’l-fihâm ( ) Efendi tâlib olmağın, ber mûceb-i şart-ı vâkıf arsa-i mezkûrun tasarrufu cânib-i şer‘-i şerîfden müşârunileyh efendiye tevcîh olunup, bu vesîka bi’t-taleb ketb ve yedlerine def‘ olundu ki, lede’l-hâce tezekkür-i mâ cerâ ola. Tahrîren fî evâhiri âhiri’r-Rebî‘ayn li sene selâsin ve erba‘în ve elf. Şuhûdü’l-hâl: Fahrü’l-akrân Yusuf Bey reisü’l-muhzırîn, Piyâle Çavuş b. Abdullah, Mehmed Bey b. ( ).