Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 270 Hüküm no: 289 Orijinal metin no: [59a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cariye diye satılan Fâtıma Hatun bt. Viko’nun hürriyetine hükmedildiği Rumeli-i ma‘mûre vilâyetinde vâki‘ Eski Cum‘a kazâsı tevâbi‘inden Çoban Deresi karyesi ahâlîsinden olan udûlden Piyâle Bey b. Abdullah ve Haydar Bey b. Abdullah nâm kimesneler meclis-i şer‘-i şerîf-i Dîvân-ı âlî’de -dâme mahfûfen bi’l-me‘âlî- hâzırân olup, elân mahmiyye-i Kostantıniyye mahallâtından ( ) mahallesinde sâkin olan ve bundan altı ay mukaddem Ayşe bt. Mehmed nâm hâtundan râyicü’l-vakt on sekiz bin akçe ödeyerek câriye diye iştirâ ettiği âtiyyü’z-zikr hâtuna vaz‘-ı yedini mu‘terif bulunan sâbık yayabaşı umdetü’l-emâcid ve’l-a‘yân Mehmed Ağa b. Abdullah kıbelinden âtiyyü’l-beyân istimâ‘-ı da‘vâya, husûmete ve redd-i cevâba vekâleti mahalle-i mezbûre sükkânından İbrahim b. ( ) ve Mehmed b. Abdullah nâm kimesnelerin şehâdetleri ile sâbit olan fahrü’l-müderrisîn Mevlânâ Ebûbekir Efendi b. Ahmed mahzarında, elâ gözlü, orta boylu, açık kaşlı, esmer, bâ’ise-i kitâb Fâtıma Hâtun bt. Viko’dan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, mevsûfe-i mezkûre hâtun hurre-i asliyyedir. Mezkûre Çoban Deresi karyesinde sâkine olan Yive bt. Yani nâm Nasrâniyeden doğmuştur. Kendisi ve ebeveyni asla köle olmamıştır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcibince mevsûfe-i mezkûrenin hürriyetine hükmedildi. Cerâ zâlike ve hurrire fî evâsıtı Cumâdelûlâ sene selâse ve erba‘în ve elf. Şuhûdü’l-hâl: Fahrü’l-akrân Mehmed muhzırbaşı, Mehmed Beşe b. Yusuf çukadâr, İskender Bey b. Şaban, Ahmed b. Ali