Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 281 Hüküm no: 304 Orijinal metin no: [62b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şerife Asiye Hatun bt. İsa’nın evini el-Hâc Piyâle b. Abdullah’a sattığı Mahmiye-i Kostantıniyye mahallâtından Molla Hüsrev mahallesinde sâkine olan Şerife Asiye Hâtun bt. İsâ nâm hâtun, meclis-i şer‘-i şerîfe -sânehu’llâhü te‘âlâ ani’t-tağyîr ve’t-tahrîf- hâzır olup, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i mezbûrede vâki‘, bir tarafdan ( ) mülkü, diğer tarafdan ( ) mülkü, öteki tarafdan ( ) mülkü ve diğer tarafdan da tarîk-i âm ile mahdûd bulunan cemî‘-i menzilini cümle tevâbi‘ ve levâhıkı ile râyicü’l-vakt on bin akçe semen-i mu‘ayyen-i makbûzla mahmiye-i mezbûrede vâki‘ merhûm Müstesna? Ali Çelebi Vakfı’na mütevellî olan hâfız-ı hâze’l-kitâb el-Hâc Piyâle b. Abdullah nâm kimesneye bey‘ ettiğini ikrâr ve i‘tirâf eyledi. Bâyi‘-i mezkûrun menzil-i merkūmu icâreye almak istemesi üzerine mütevellî-i mezkûr ba‘de’t-tahliye ve’t-tekābuz zeyilde mezkûr senenin gurre-i Muharrem-i harâmından bir sene tâmamına bin yedi yüz elli akçe ücret-i kirâ ile icâreye verdi. Vâki‘ ikrâr, tasdîk hakkı sâhibince bi’l-muvâcehe tasdîk edildi. Cerâ zâlike ve hurrire fi’l-yevmi’r-râbi‘ aşer min Cumâdelûlâ sene selâse ve erba‘în ve elf. Şuhûdü’l-hâl: Es-Sâbikūn el-mezbûrûn