Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 287 Hüküm no: 312 Orijinal metin no: [64a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Subaşı b. Derviş Ağa’nın evini Mehmed Ağa b. Abdülmennân’a sattığı Mahmiye-i Kostantıniyye mahallâtından Emin Nureddin mahallesinde sâkin olan yayabaşılar zümresinden fahrü’l-a‘yân İbrahim Subaşı b. merhûm Derviş Ağa meclis-i şer‘-i şerîfe -sânehu’llâhu te‘âlâ ani’t-tağyîr ve’t-tahrîf- hâzır olup, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i mezbûrede vâki‘, tahtânî iki beyti, fevkānî iki beyti, selâmlığı ve ahırı hâvî olan, tarafeynden bâyi‘-i mezkûr mülkü, diğer tarafdan müşterî-i merkūm mülkü ve diğer tarafdan da tarîk-i âm ile mahdûd bulunan cemî‘-i menzilini cümle hudûdu ve kâffe-i hukūkuyla râyicü’l-vakt yüz riyâlî kuruş semen-i mu‘ayyen-i makbûzla yayabeyleri zümresinden hâfız-ı hâze’l-kitâb umdetü’l-emâcid ve’l-a‘yân Mehmed Ağa b. Abdülmennân’a îcâb kabûlü ve teslîm tesellümü hâvî bey‘-i bât-ı sahîh ile bey‘ ettiğini ikrâr ve i‘tirâf etti. Mezbûr Mehmed Ağa da kendi mâlıyla ve kendisi için menzil-i mezkûru ondan iştirâ etti. Müşterî-i müşârun ileyh kıbelinden hasm-ı şer‘î mahzarında sâlifü’z-zikr ikrârı tasdîka vekâleti umdetü’l-a‘yân Salih Ağa [b.] Mehmed ve Mustafa Bey b. Abdullah’ın şehâdetleri ile sâbit olan Mehmed Beşe b. Mustafa er-Râcil nâm kimesne, vâki‘ ikrârı bi’l-vekâle tasdîk etti. Cerâ zâlike ve hurrire fî evâili Cumâde[lûlâ] sene selâse ve erba‘în ve elf. Şuhûdü’l-hâl: Şaban Subaşı b. Abdünnebî, Hasan Beşe b. İskender er-Râcil, Süleyman Beşe b. Bâli, Murtaza Beşe b. İhtiyar, Mustafa Beşe b. Osman, Hasan Bey b. Abdullah