Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 286 Hüküm no: 311 Orijinal metin no: [64a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Çelebi Mehmed Efendi’nin Rus asıllı kölesini tedbîr yoluyla âzat ettiği Fahrü’l-kuzât Ali Efendi b. Üveys ve Hüseyin Bey b. Mustafa el-Cündî nâm kimesneler meclis-i şerî‘at-i şerîfe-i garrâya hâzırân olup, âtiyyü’l-beyân müdde‘îye verâseti îcâbınca vâzı‘-ı yed olan ve husûs-ı âtiyyü’z-zikri inkâr eden, a‘lemü’l-ulemâi’l-izâm efdalü’l-fuzalâi’l-fihâm Hazreti Mehmed Efendi b. müvellâ-yı merhûm-ı mebrûr el-vâsıl ilâ rahmeti rabbihi’l-gafûr Mehmed Efendi eş-şehîr bi Kara Çelebi mahzarında, orta boylu, kara gözlü, Rûsiyyetü’l-asl hâfız-ı kitâb (…) b. Abdullah’dan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, merhûm-ı mûmâ ileyh hâl-i hayâtı ve kemâl-i akl ve sıhhatinde, silk-i mülkünde bulunan abd-i mezbûrunu mevtimden kırk gün mukaddem hürsün diyerek tedbîr-i mukayyed ile tedbîr eylemişdi. Elân, mevlâ-yı mezbûr ecel şerbetini içip rabbine vâsıl oldu. Abd-i mezbûr bu sûretle sâir ahrâr-ı asliyyîn gibi hür oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcibince abd-i mezkûrun hürriyetine hükmedildi. Cerâ zâlike ve hurrire fî fî evâili Muharremi’l-harâm sene selâse ve erba‘în ve elf. Şuhûdü’l-hâl: Sinan Efendi b. Mehmed, İbrahim Efendi b. Mehmed, Mustafa Efendi b. el-kadı, Ali Çelebi b. Osman el-Müderris, Mehmed Efendi b. Ali, Ali Bey b. Nasuh, Mustafa Çelebi b. Nasuh