Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 41 Hüküm no: 1 Orijinal metin no: [1a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vakıf menzilin Hasan Efendi b. Mehmed’e verilmesi Mahmiye-i İstanbul’da Süleyman Ağa mahallesinde vâki‘ olup lede’l-ahâlî ma‘lûmü’l-hudûd dâhiliye ve hâriciyeyi müştemil menzil ulemâ-i muhtâcîne meşrûta olup mukaddemâ mutasarrıf olan Hüseyin Efendi fevt olup mahlûl oldukdan sonra ber mûceb-i şart-ı vâkıf içinde sâkin olur kimesne olmamağın, ulemâdan râfi‘ül-kitâb fahrü’l-müderrisîn Hasan Efendi b. Mehmed tâlib olup kıbel-i şer‘-i enverde mezbûra tevcîh olunmak bâbında fermân-ı âlî sâdır olmağın hasbe’l-emr tevcîh olunup mâ hüve’l-vâki‘ bi’t-taleb ketb ve imlâ olundu. Fi’l-yevmi’s-sâbi‘ ve’l-ışrîn min Cumâdelûlâ li sene tis‘a ve hamsîn ve elf, min hicreti’n-Nebeviyye aleyhi efdalü’t-tahiyye. Şuhûdü’l-hâl: Çâker Bey b. Abdullah, Ahmed Çelebi b. ( ) el-yesârî, Mehmed Çelebi b. Abdullah, Hasan Beşe b. İbrahim? Ali çukadâr ve gayruhüm.