Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 55 Hüküm no: 21 Orijinal metin no: [6a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Mehmed’in Receb Ağa b. Ahmed zimmetinde alacağı olduğu Mahmiye-i İstanbul’da Mi‘mâr Ayas mahallesinde sâkine Emine bt. Mehmed Hâtun meclis-i şer‘-i hatîrde, işbu râfi‘ü’l-vesîka Receb Ağa b. Ahmed mahzarında bi tav‘ihâ ikrâr ve i‘tirâf edip merkūm Receb Ağa zimmetinde karz-ı şer‘îden bir def‘a iki yüz riyâlî kuruş ve bir def‘a dahi yüz on beş riyâlî kuruş hakkım olup mezbûr Receb Ağa meblağ-ı mezbûr iki yüz riyâlî kuruşu bana def‘ ve teslîm edip ben dahi ahz ve tesellüm eylediğimden sonra hâlâ meblağ-ı mezbûr yüz on beş riyâlî kuruşun dahi altmış riyâlî kuruşunu mezbûr Receb Ağa yedinden ahz u kabz edip bâkī zimmetinde elli kuruş hakkım kalmışdır dedikde, hakk-ı mezbûreyi ikrâr-ı meşrûhunda el-mukarru lehü’l-merkūm vicâhen tasdîk ve şifâhen tahkīk edicek, mâ vaka‘a bi’t-taleb ketb olundu. Hurrire fi’l-yevmi’s-sânî min Rebî‘ilevvel li sene tis‘a ve hamsîn ve elf. Şuhûdü’l-hâl: Fahrü’l-a‘yân Ali Ağa b. Abdullah, Hâfız Mehmed Çelebi el-cündî, Fahrü’l-eşbâh Hasan Ağa b. Abdullah, Abdüllatif Efendi b. Mehmed el-imâm, El-emru hasbemâ hurrire fîh Harrerehû’l-fakīr ileyhi sübhânehû es-Seyyid İbrahim el-me’mûr bi umûri’l-keşf bi medîneti Kostantıniyyeti’l-mahmiye. Ufiye anhu.