Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 62 Hüküm no: 28 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kostantin v. Yanaki’nin Ziro v. Kiryaki’de olan alacağını tahsil ettiği Mahmiye-i İstanbul’da Kumkapı kurbunda Çadırcı Ahmed mahallesinde sâkin Dülgüzar Kostantin v. Yanaki nâm zimmî meclis-i şer‘-i hatîr-i lâzımü’t-tevkīrde, mahalle-i mezbûrede işbu râfi‘ü’s-sifr hayyât Ziro v. Kiryaki nâm zimmî mahzarında bi’t-tav‘i’s-sâf ikrâr ve i‘tirâf edip merkūm Ziro zimmetinde karz-ı şer‘îden yedi bin yedi yüz fıddî râyic fi’l-vakt akçe hakkım olup hâlâ meblağ-ı mezbûr yedi bin yedi yüz akçeyi merkūm Ziro bana tamâmen def‘ ve teslîm edip ben dahi yedinden ahz u kabz ve istîfâ eyledim. Min ba‘d meblağ-ı mezbûrdan merkūm Ziro zimmetinde bir akçe ve bir habbe hakkım bâkī kalmadı dedikde, mukırr-ı mezbûru akvâl-i meşrûhunda el-mukarru lehü’l-merkūm vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Şuhûdü’l-hâl: Halil b. Ali, Ahmed Çelebi b. Abdurrahman, el-Hâc Mehmed Çelebi [b.] Nurullah el-müezzin, <> İbrahim b. Halil, Ahmed b. Uğurlu, Osman Bey el-cündî, Yahya Bey b. Zekeriya.