Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 76 Hüküm no: 48 Orijinal metin no: [12b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Karabet v. Serkis ve Karabet v. Hasro’yu vasî Meryem bt. Marko’ya nâzır atadığı Hâkim, sâhibeyn-i hâzihi’l-vesîka-i münîfe olan Karabet v. Serkis ve Karabet v. Hasro’yu, mahmiye-i Kostantıniyye mahallâtından İnebey mahallesinde bundan akdem mürd olan Bergam nâm zimmî ile müşterek evlâdı olan Simo ve Karuta nâm sagīreyne kıbel-i şerî‘at-ı şerîfe-i mergūbeden mansûbe vasî olan Meryem bt. Marko’ya, vasiyy-i merkūme ile birlikte sagīreyn-i mezbûreynin umûruna nezâret etmek ve vasiyy-i mezbûrenin, nâzıreyn-i mesfûreynin ma‘rifeti olmadan umûr-ı vesâyetle alâkalı bir husûsa mübâşeret etmemesi üzerine hasbî nâzır nasb etti. Onlar da nezâret-i merkūmeyi kabûl edip hizmet-i lâzimelerini edâyı ta‘ahhüd ettiler. Cerâ zâlike ve hurrire fi’l-yevmi’l-hâmis ve’l-ışrîn min şehri Rebî‘ilevvel sene tis‘a ve hamsîn ve elf. Şuhûdü’l-hâl: Hasan Efendi b. Mehmed el-imâm, Abdülganî Halîfe b. Ali, Ali Çavuş b. İsa, Mustafa b. Mehmed, Sefer Beşe b. Abdullah, Ali Halîfe b. Mehmed, el-Hâc Osman b. Abdullah, Hüseyin Çelebi b. Hamza