Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 77 Hüküm no: 49 Orijinal metin no: [12b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdurrahman b. Hacı Musli’nın Kasap Hüseyin b. Hasan’da alacağı olduğu Vilâyet-i Anadolu’da kasaba-i Seydişehri ahâlîsinden Abdurrahman b. el-Hâc Musli nâm kimesne meclis-i şer‘-i şerîfde, Kasab Hüseyin b. Hasan nâm kimesne mahzarında üzerine da‘vâ edip işbu Hüseyin’e târih-i kitâbdan bir sene mukaddem kuruşa tebdîl etmek için iki bin cedîd râyic fi’l-vakt akçe verip ol dahi yedinden ahz u kabz eylemişdi. hâlâ meblağ-ı mezbûru kendi mesârifine sarfla istihlâk eylemişdir, suâl olunup meblağ-ı mezbûrun alıverilmesin taleb ederim dedikde, gıbbe’s-suâl merkūm Hüseyin cevâbında fi’l-vâki‘ minvâl-i meşrûh üzre müdde‘î-i mezbûrun zimmetimde edâsı vâcib iki bin cedîd akçe hakkı vardır dedikde, ikrârı mûcebince meblağ-ı mezbûr iki bin akçenin müdde‘î-i mezbûra edâsı merkūm Hüseyin üzerine ilzâm olunup mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn min şehri Rebî‘ilevvel li sene tis‘a ve hamsîn ve elf. Şuhûdü’l-hâl: Ali b. Ahmed, İskender Bey b. Şaban, Süleyman Efendi b. Osman, Seyyid Ömer Çelebi b. Seyyid Osman.