Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 123 Hüküm no: 114 Orijinal metin no: [27b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin iddet bekleyen Ayşe bt. Mehmed’e ve kızı Saliha bt. Ahmed’e nafaka takdir ettiği Hâkim, mahmiye-i Kostantıniyye mahallâtından Defterdâr Ahmed Çelebi mahallesinde sâkine ve Ahmed b. Abdullah nâm zevcinden mutallaka olan hâmile ve mu‘tedde Ayşe bt. Mehmed nâm hâtunun nafakası, kisvesi ve sâir havâic-i zarûriyesi için vaz‘-ı hamline ve nihâyet-i iddetine kadar zeyilde mezkûr târihden i‘tibâren mutallık-ı mezbûr zevci üzerine yevmî râyicü’l-vakt altı akçe farz ve takdîr etti. Hâkim sonra Saliha bt. Ahmed el-mezbûrun nafakası, kisvesi ve sâir havâic-i lâzimesi için mezbûre Ayşe nâm annesi ve hâdinesinin talebiyle, mezbûr babası üzerine, zeyilde mezkûr târihden i‘tibâren yevmî râyicü’l-vakt dört akçe farz ve takdîr etti. Hâkim-i mûmâ ileyh, meblağ-ı mefrûzeyn-i mezbûreynin sarfına ve vakt-i hâcette istidâne edip vakt-i zaferde mezbûr Ahmed’e rücû‘ etmeye merkūme Ayşe’ye izin verdi. Cerâ zâlike ve hurrire fi’l-yevmi’t-tâsi‘ min şehri Rebî‘ilâhir sene tis‘a ve hamsîn ve elf. Şuhûdü’l-hâl: Ramazan Bey b. Abdullah, Ahmed Beşe b. Abdullah, Ahmed b. Mehmed, Mehmed Çavuş b. Resûl, Yahya Bey b. Zekeriya