Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 139 Hüküm no: 133 Orijinal metin no: [32b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Serezli Şah b. Mahmud’un, vefat eden Siyavuş b. Abdullah’ın küçük çocuklarına borcu olduğu Vilâyet-i Rumeli’nde Siroz’da Tatarhanı mahallesinde Şah b. Mahmud meclis-i şer‘-i hatîrde, yine Siroz’da Çaprastlı mahallesinde sâkin iken bundan akdem [vefât eden] Siyavuş b. Abdullah’ın evlâd-ı sıgār-ı Ali Çelebi ve Mahmud Çelebi ve Durduhan Kadın’ın kıbel-i şer‘-i enverden mansûb vasîleri olan umdetü’l-ekârim el-Hâc Ahmed Ağa b. Abdi mahzarında bi’t-tav‘i’s-sâf ikrâr ve i‘tirâf edip sıgār-ı merkūmûn mallarından kitâb-ı şehr-i Rebî‘ulevveli’nin on beşinci gününde vasiyy-i mûmâ-ileyh yedinden elli iki bin yedi yüz altmış fıddî râyic fi’l-vakt akçe ikrâz ahz u kabz edip ve mesârifime sarfla meblağ-ı [mezkûr] zimmetinde deyn olduğundan gayrı yine sıgār-ı mezbûrûn mallarından olup vasiyy-i mûmâ-ileyh yedinden müşterâ ve makbûz olup levn ve cins ve zirâ‘ beynimizde ilm-i şer‘î ile [ma‘lûm] çuka semeninden dahi târih-i mezbûrdan bir sene tamâmına değin müeccel olmak üzre yedi bin dokuz yüz on dört mezbûrü’n-na‘t akçe cem‘an altmış bin altı yüz yetmiş dört cedîd akçe sıgār-ı merkūmûna zimmetimde lâzımü’l-edâ ve vâcibü’l-kazâ deynimdir dedikde, mukırr-ı mezbûru ikrâr-ı meşrûhunda vasiyy-i mezbûr vicâhen tasdîk ve şifâhen tahkīk [edicek], mâ hüve’l-vâki‘ bi’t-taleb ketb olundu. Sene 1059. Şuhûdü’l-hâl: Ahmed Ağa kuşçu sâkin-i Doyran, Mustafa Ağa sâkin-i Pirlova, el-Hâc ( ) b. el-Hâc Ali, Kurd Bey sâkin-i Menlik, Osman Ağa b. Abdullah sâkin-i İnebahtı, Osman Çelebi b. Mehmed, Ömer Efendi Hamzazâde, Ahmed [Efend]i Dumanlızâde.