Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 141 Hüküm no: 137 Orijinal metin no: [33a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Enbe bt. Kadko’ya ve küçük kızı Blase bt. Yani’ye nafaka takdir ettiği Hâkim, mahmiye-i Kostantıniyye mahallâtından Zeytin mahallesinde sâkine olan Enbe bt. Kadko nâm Nasrâniyyenin nafaka, kisve ve sâir havâic-i zarûriyesi için, zeyl-i kitâbda mezkûr târihden i‘tibâren yedi akçe, mezbûrenin kızı Blase bt. Yani b. Yorgo nâm sagīrenin nafaka, kisve ve sâir havâic-i zarûriyesi için de merkūme Enbe’nin zevci ve sagīre-i mezbûrenin babası olan hâzır bi’l-meclis mezbûr Yani üzerine zeyl-i kitâbda mezkûr târihden i‘tibâren dört akçe farz ve takdîr etti. Hâkim, meblağ-ı mefrûzeynin sarfına ve vakt-i hâcette istidâne edip vakt-i zaferde mezbûr Yani’ye rücû‘una mesfûre Enbe’ye izin verdi. Mahmiye-i Kostantıniyye sur kapılarından …? hâricinde sâkin olan mütesellim Blase v. Mihal nâm zimmî, meblağ-ı mefrûzeyne îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sâmin min şehri Rebî‘ilâhir sene tis‘a ve hamsîn ve elf. Şuhûdü’l-hâl: Yahya b. Zekeriya, Mustafa Çelebi b. İbrahim, Hüseyin Çavuş b. Mehmed, Mustafa Çavuş b. Abdullah