Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 141 Hüküm no: 136 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihrisa bt. Abdullah’ın Hint tüccarından olan kocasının vârisi olarak Venedikli tüccarda olan alacağını tahsil ettiği Tüccâr-ı Hind’den olup medîne-i Selânik’de vefât eden el-Hâc Ağa Mehmed b. Mirza Mehmed’in sulbiye kızları olup vefât eden Mekkiye ve Ferzande’nin vâlideleri ve hasren vâriseleri olan Mihrisâ bt. Abdullah nâm hâtun meclis-i şer‘de, husûs-ı âti’l-beyânda vekîli olan işbu sâhibü’l-kitâb Allahverdi b. Mirza Mahmud et-Tebrizî mahzarında ikrâr ve i‘tirâf edip müteveffâ-yı mezbûr el-Hâc Ağa Mehmed’in Batişte Boris nâm müste’men Venedikli zimmetinde lâciverdî çivid semeninden yedi bin riyâlî kuruş hakkı olmakla, meblağ-ı mezbûr bana irs-i şer‘î ile intikāl eyledikden sonra meblağ-ı mezkûru da‘vâ ve talebe mezbûr Allahverdi’yi tarafımdan vekîl eyleyip ol dahi ba‘de kabûli’l-vekâle meblağ-ı mezbûru merkūm Batişte Boris tarafından def‘a vekîl olan Müddeccel? el-Hâc Mehmed b. ( ) yedinden üç bin riyâlî kuruş nakid ve iki bin riyâlî kuruş kıymetli dört yüz zirâ‘ telli frengî dîbâ ve iki bin riyâlî kuruş kıymetli iki yüz altmış top muhayyer ahz edip mukaddemâ bana teslîm eyleyip ben dahi ahz u kabz ve tesellüm eyledim. Min ba‘d husûs-ı mezbûra müte‘allika mezbûr Allahverdi üzerine bi vechin mine’l-vücûh ve sebebin mine’l-esbâb da‘vâ ve hakkım yokdur dedikde, mukırra-i mezbûrenin cârî ve sâdır olan ikrârını el-mukarru lehü’l-mezbûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Hurrire fi’l-yevmi’s-sâmin [min] şehri Rebî‘ilâhir li sene tis‘a ve hamsîn ve elf. Şuhûdü’l-hâl: Ali Bey b. ( ) Dülgerzâde mahalle[sinden], Murtaza b. Ramazan Nureddin mahallesinden, Hasan Beşe b. Derviş sermüezzin, Yusuf Beşe b. Abdullah Molla Hüsrev’den, el-Hâc Kaytas b. Abdullah der-Vefâ, Hüseyin b. Mehmed el-haremî? Ali Paşa’dan, Abdi Beşe b. Abdullah der-mahalle-i Süleyman Ağa ve gayruhüm.