Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 134 Hüküm no: 64 Orijinal metin no: [11b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Payalot Reis v. Kostantin’in yaya cemaati nakit vakfından ödünç aldığı Mahrûse-i Galata kazâsı muzâfâtından İstinye nâhiyesi tevâbi‘inden Yeniköy karyesinde sâkin olan Payalot Reis v. Kostantin nâm zimmî meclis-i şerî‘at-i şerîfe-i garrâ ve mahfil-i tarîkat-i münîfe-i zehrâya hâzır olup şöyle ikrâr ve i‘tirâf eyledi ki, işbu akdin kendisinden sudûruna kadar mâliki olduğu ve taht-ı tasarrufunda bulundurduğu, karye-i mezbûrede vâki‘, hudûdu bir tarafından Tazar v. Kosta mülkü, bir tarafından Todori v. Kostani mülkü, bir tarafından Bahçeci Tota mülkü, bir tarafından tarîk-ı âm ile mahdûd bulunan, büyût-i müte‘adideyi ve bahçeyi müştemil cemî‘ mülk menzilini cümle tevâbi‘ ve levâhıkı ve kâffe-i hukūk ve merâfıkıyla râyicü’l-vakt iki yüz altmış riyâlî guruş semen-i mu‘ayyen-i makbûzla otuz dördüncü yaya cemâ‘ati nakid vakfı mütevellîsi hâmil-i hâze’l-vesîka Hacı Ahmed Beşe b. Mehmed’e bey‘ etti. O dahî vakıf malıyla ve istiğlâl maksadıyla menzil-i mezbûru iştirâ eyledi. Mütevellî-i mezbûr menzil-i mesfûru ba‘de’t-tahliye ve’t-tekābüz zeylde mezkûr tarihten bir sene tamâmına râyicü’l-vakt kırk riyâlî guruşa bâyi‘-i merkūma icâreye verdi. Vâki‘ ikrâr mütevellî-i mezkûr tarafından vicâhen ve şifâhen tasdîk edildi. Cerâ zâlike ve hurrire fi’l-yevmi’s-sâlis aşara min-şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Ahmed Beşe er-râcil, Siyavuş b. Abdullah, Tarakçı Ömer Çelebi, Süleyman Beşe çukadâr, İsmail b. Yunus ve gayrühüm