Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 166 Hüküm no: 106 Orijinal metin no: [17a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Kondi bt. Menahim Vakfı’nın mütevellisi Yasef v. Mosi’nin azledilip yerine İlya v. Mosi’nin tayini [Mahmiye-i] İstanbul hısnı ebvâbından Şühûdkapısı dâhilinde Sarıca Paşa mahallesinde vâki‘ Kondi bt. Menahim [nâm Yahudi’nin] gallesi Karay tâifesi fukarâsına meşrûta olup vâkıfesine intimâ ile tahdîd ve tavsîfden müstağnî (…) ve menzil ve dükkânlarının mütevellîsi Yasef v. Mosi nâm Yahudi galle-i vakfı ahz edip fukarâ-i mezbûrûna (…) ve işbu hâmilü’s-sifr İlya v. Mosi vakf-ı mezbûra mütevellî ta‘yîn olundukda istikāmeti ihyâ (…) müte‘ayyin olmağın hâkim-i muvakkı‘-ı [sadr-ı] kitâb tûbâ lehü ve hüsnü-meâb hazretleri mezbûr Yasef’i tevliyetden azl edip (…) mezbûr İlya’yı nasb ü ta‘yîn eyleyip ol dahi tevliyet-i mezbûreyi kabûl ve merâsimini edâya müte‘ahhid olmağın [mâ-vaka‘a] bi’t-taleb ketb olundu. Fi’l-yevmi’l-âşir min Ramazani’l-mübârek li-sene seb‘a ve sittîn ve elf. Şühûdü’l-hâl: (…) Bey (…), Ali Beşe b. ( ), Ali Bey berber, Mahmud Ağa b. ( ), Mehmed Çelebi b. Mahmud ve gayruhüm mine’l-[hâzırîn]