Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 324 Hüküm no: 298 Orijinal metin no: [42b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâmile bt. Abdullah’ın Yahya Efendi b. Seydi’ye altmış riyâlî ve on esedî guruş borcu olduğunu ikrar ettiği Mahmiye-i İstanbul’da Voynuk Şücâeddin mahallesinde sâkine Kâmile bt. Abdullah nâm hâtun meclis-i şer‘-i hatîr-i lâzimü’t-tevkīrde işbu bâ‘isü’l-kitâb Yahya Efendi b. Seydi el-imâm mahzarında bi-tav‘ihâ ikrâr ve i‘tirâf edip mezbûr Yahya Efendi’ye cihet-i karz-ı şer‘îden altmış riyâlî guruş ve semeni târih-i kitâbdan sene tamâmına değin müeccel yedimden müşterâ ve makbûz cins ve levni beynimizde ilm-i şer‘î ile ma‘lûm çuka bahâsından dahi on esedi guruş ki altmış riyâlî ve on esedî guruş zimmetimde lâzimü’l-edâ ve vâcibü’l-[kazâ] deynim vardır dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Tahrîren fi’l-yevmi’s-sâmin ve’l-ışrîn min-Şevvâli’l-mükerrem li-sene 1067. Şühûdü’l-hâl: Es-seyyid Abdülfettâh b. es-Seyyid Hasan, İbrahim Efendi el-imâm, Hasan Halîfe el-müezzin, Osman Beşe çukadâr, Mehmed Beşe b. Abdullah, İsa Ağa b. ( ) ve gayruhüm mine’l-[hâzırîn.]