Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 325 Hüküm no: 300 Orijinal metin no: [43a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muslı b. Ramazan’ın kaybolan oğlunun karısı Rahime bt. Ali’ye ödediği günlük sekizer akçe nafaka bedelinin talebi üzerine beş akçeye indirildiği Mahmiye-i İstanbul’da Koruk Mahmud mahallesinde sâkin bâ‘isü’l-kitâb Muslı b. Ramazan nâm kimesne meclis-i şer‘-i hatîr-i lâzimü’t-tevkīrde sulbî kebîr oğlu olup gaybet-i münkatı‘a ile gāib olan Osman’ın zevce-i menkûhası Rahime bt. Ali nâm hâtun mahzarında takrîr-i kelâm edip oğlum mezbûr Osman âhar diyara gidip gaybet-i münkatı‘a ile gāib olmağla bundan akdem mezbûre Rahime taraf-ı şer‘den üzerime yevmî sekizer akçe nafaka farz ve takdîr etdirmişidi lâkin ben ma‘ser olup meblağ-ı mefrûz-ı mezbûru edâya kudretim olmamağla meblağ-ı mezbûrun beher yevm üçer akçesi hat olunmak matlûbumdur dedikde fi’l-hakīka merkūm Muslı’nın asârı zeyl-i rakīmde muharrerü’l-esâmi olan sikāt-ı sahîhatü’l-kelimât ihbârları [ile] lede’ş-şer‘i’l-mutahhar zâhir ve müte‘ayyin oldukdan sonra hâkim-i muvakkı‘-ı kitâb tûbâ lehü ve hüsnü-meâb hazretleri dahi meblağ-ı mefrûz-ı mezbûrun üçer akçesini hat ve tenzîl edip yevmî beşer akçeyi farz ve merkūme Rahime’nin levâzım-ı zarûriyyesine harc u sarfa ve vakt-ı zarûretde istidâneye ve lede’z-zafer mezbûr Muslı’ya rücû‘a mezbûre Rahime’ye izin verip mâ-hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min-Şevvâli’l-mükerrem li-sene seb‘a ve sittîn ve elf. Şühûdü’l-hâl: Salih Efendi el-kādî, Mustafa b. İsmail, Muharrem b. Abdullah, Mustafa Beşe b. Mehmed el-mübâşir, Osman Beşe çukadâr ve gayruhüm.