Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 339 Hüküm no: 319 Orijinal metin no: [45a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani ile Hüseyin Efendi’nin anlaşarak boşandığı (Muhâla‘a) Mahmiye-i Kostantıniyye mahallâtından Haraçcı Hamza mahallesinde sâkine olan Ümmühani bt. İbrahim nâm hâtun kıbelinden âti’z-zikr hul‘ ve ibrâya vekâleti kendisini ma‘rifet-i şer‘iyye ile ârifân olan, mahalle-i mezbûre sükkânından İlyas b. Resul ve İsmail b. Müeyyed nâm kimselerin şehâdeti ile sâbit bulunan İbrahim Çelebi b. Ca‘fer nâm kimse beraberinde müvekkile-i mezbûresinin zevci râfi‘-i hâze’l-kitâb Hüseyin Efendi b. Mehmed el-Kādî ile me‘an meclis-i şerî‘at-i şerîfe-i garrâ ve mahfil-i tarîkat-i münîfe-i zehrâya gelip zevc-i mezbûr ile muhâla‘a etti. O dahî nikâhında ma‘kūdun aleyh olan râyicü’l-vakt sekiz bin akçe mehr-i müecceli, aralarında ma‘lûm nafaka-i iddeti ve meûnet-i süknâsı mukābilinde vekîl-i mezbûrla muhâla‘a eyledi. Bu sûretle yeni bir nikâh kıyılmadan ve mehir tesbit edilmeden biribirlerine helâl olmayacak şekilde aralarında beynûnet hâsıl oldu. Sonra her biri diğerinin zimmetini hukūk-ı zevciyyete müte‘allik cemî‘ de‘âvîden ibrâ-yı âmm-ı kātı‘an li’n-nizâ‘i ve râfi‘an li’l-husûmeti ile ibrâ etti. Cerâ zâlike ve hurrire fî-gurreti Zilka‘deti’ş-şerîfe li-sene seb‘a ve sittîn ve elf. Şühûdü’l-hâl: Salih Efendi b. Salih, Mustafa Efendi b. Muharrem, Osman Beşe çukadâr, Ali Bey b. Ahmed, Ca‘fer Bey b. Abdullah, Mehmed Çelebi b. Haydar