Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 375 Hüküm no: 360 Orijinal metin no: [51b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Ali’nin Rus asıllı cariyesi Âlime’yi vasiyetle azat ettiği Mahmiye-i İstanbul’da Hoca Hayreddin mahallesinde sâkine Râbia bt. Ali nâm hâtun meclis-i şer‘-i hatîr-i lâzimü’t-tevkīrde takrîr-i kelâm ve ta‘bîr-i merâm edip bana rıkkını mu‘terife olan işbu açık kaşlı göğ elâ gözlü Rusiyyetü’l-asl sagīre Âlime bt. Abdullah nâm câriye-i memlûkesini hasbeten lillâhi’l-aliyyi’l-azîm ve taleben li-merzâti’r-rabbi’r-rahîm enti hürretün minnî kable mevtî bi-erba‘în yevmen kaydı ile mukayyed tedbîr-i sahîh-i şer‘î ile müdebbere eyledim vaktâ ki kazâ-i nahb edip rabbime mülâkī olup müddet-i madrûbe dahi bulundukda mezbûre Âlime sâir harâir-i asliyyât gibi hürre olsun dedikde vâki‘u’l-hal kaşd şüd. Fi’l-yevmi’l-hâmis min-Zilka‘deti’ş-şerîfe li-sene 1067. Şühûdü’l-[hâl]: İsmail Çelebi b. el-Hâc Mahmud matlabcı, Mehmed Çelebi b. Mustafa, Mustafa Çelebi b. el-Hâc Sadi, Ahmed Çelebi b. Abdurrahman, Mehmed Çelebi b. Haydar, Mustafa Çelebi b. Mahmud, Hüseyin Efendi el-imâm, Hüseyin Halîfe el-müezzin.