Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 479 Hüküm no: 487 Orijinal metin no: [71a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimo v. Yani’nin mum bedelinden Yani v. Argiri’ye iki bin beş yüz akçe borcu olduğunu ikrar ettiği Mumcu tâifesinden işbu râfi‘ü’s-sifr Dimo v. Yani nâm zimmî meclis-i şer‘-i hatîr-i lâzimü’t-tevkīrde bundan akdem Zeyrek kurbünde bakkal olan Yani v. Argiri nâm zimmî muvâcehesinde üzerine takrîr-i da‘vâ edip mezbûr Yani zimmetinde yedimden müşterâ ve makbûz mum semeninden ba‘de külli hesâb iki bin beş yüz akçe hakkım olup hâlâ taleb eylediğimde edâdan imtinâ‘ eder suâl olunsun dedikde gıbbe’s-suâl mezbûr Yani cevâbında fi’l-hakīka müdde‘î-i mezbûra yedinden müşterâ ve makbûz mum semeninden ba‘de külli hesâb zimmetimde meblağ-ı mezbûr iki bin beş yüz akçe deynim vardır deyu bi-tav‘ihî ikrâr ve i‘tirâf etmeğin mûcibiyle meblağ-ı mezbûr iki bin beş yüz akçeyi müdde‘î-i mezbûr Dimo’ya edâ ve teslîme mezbûr Yani’ye tenbîh olunup mâ-vaka‘a kayd şüd. Fi’l-yevmi’s-sâbi‘ min-Zilhicceti’ş-şerîfe li-sene 1067. Şühûdü’l-hâl: İsmail Çelebi, Mehmed Çelebi, Osman Beşe çukadâr, Süleyman b. ( ).