Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 482 Hüküm no: 491 Orijinal metin no: [71b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin küçük kıza nafaka takdir ettiği Hâkim-i muvakkı‘ a‘lâhu hâze’l-kitâb el-mütevakkı‘ rızâi rabbihi’l-meliki’l-vehhâb, mahmiye-i Kostantıniyye mahallâtından el-Hâc Hasan mahallesinde sâkin iken bundan akdem mürd olan Drako v. Kostantin’in Kasandıra nâm sagīre kızının nafakası, kisvesi ve sâir havâic-i zarûriyesi için, Gurata bt. Aspalyot nâm ceddesi ve hâdinesinin talebiyle hâlik-i mezbûr babasından irs-i şer‘le kendisine intikal eden emvâlden alınmak üzere zeyilde mezkûr tarihden itibaren râyicü’l-vakt yevmî beş akçe farz ve takdîr etti. Hâkim-i mûmâ-ileyh sonra meblağ-ı mefrûz-i mezbûru sagīre-i merkūmenin havâicine sarf etmeye ve vakt-i hâcetde istidâne edip vakt-i zaferde rücû‘ etmeye mezkûre Gurata’ya izin verdi. Cerâ zâlike fi’l-yevmi’s-sâbi‘ ve’l-ışrîn min-Zilka‘deti’ş-şerîfe li-sene 1067. Şühûdü’l-hâl: Mustafa Çelebi b. İskender, Hüdâverdi Ağa cündi, Mustafa Çelebi b. Abdullah, Osman Beşe çukadar, Ali Bey b. Ahmed