Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 632 Hüküm no: 668 Orijinal metin no: [102a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Efendi b. Mustafa Efendi’nin Güzelce Mahmud Paşa Vakfı’na altı bin dört yüz elli akçe borcu olduğunu ikrar ettiği Zağra-i Atîk nâm kasaba sükkânından mefharü’l-kuzât Ahmed Efendi b. el-merhûm Mustafa Efendi mahmiye-i Edirne’de meclis-i şer‘-i şerîfde kasaba-i mezbûrede vâki‘ merhûm Güzelce Mahmud Paşa Vakfı’na bi’l-fi‘il mütevellî olan işbu hâfızu’l-kitâb Ahmed Halîfe b. Mahmud mahzarında ikrâr ve takrîr-i kelâm edip vakf-ı mezbûr malından makbûz nakid altı bin akçe ve târih-i kitâbdan yüz seksen gün tamâmına değin müeccel ve mevcûd vasfı ve zirâ‘ı beynimizde ilm-i şer‘î ile ma‘lûm çuka bahâsından dahi dört yüz elli akçe ki cem‘an altı bin dört yüz elli akçe zimmetimde lâzimü’l-edâ ve vâcibü’l-kazâ deynim vardır dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin aşer mine’ş-şehri’l-mezbûre li’s-seneti’l-merkūme. Şühûdü’l-hâl: es-Sâbıkūn.