Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 654 Hüküm no: 694 Orijinal metin no: [107a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şeyh Kasım Dede b. Sükun’un Hacı Kadri b. Mustafa’ya iki yüz elli guruş borcu olduğunu ikrar ettiği Vilâyet-i Anadolu’da vâki‘ medîne-i Kayseriye’de Depecik nâm mahalle sâkinlerinden eş-Şeyh Kasım Dede b. Sükûn nâm kimesne meclis-i şer‘de mahmiye-i İstanbul’da Küçükpazar mahallesi sâkinlerinden işbu hâmilü’l-hurûf el-Hâc Kadri b. Mustafa nâm kimesne mahzarında bi’t-tav‘i’s-sâf ikrâr ve i‘tirâf edip mezbûr el-Hâc Kadri’ye cihet-i deyn-i şer‘îden hâlâ zimmetimde vâcibü’l-edâ ve lâzimü’l-kazâ iki yüz elli kıt‘a riyâlî guruş deynim vardır inşâallah medîne-i mezbûre Kayseriye’ye vardıkda bi’t-tamâm mezbûr el-Hâc Kadri’ye edâ ederim deyu ta‘ahhüd edip deyn-i mezbûru vech-i muharrer üzere bi’l-müvâcehe mukırr u mu‘terif oldukda gıbbe’t-tasdîk mâ-hüve’l-vâki‘ bi’t-taleb ketb olundu cerâ zâlike ve hurrire. Fi’l-yevmi’s-sâmin min-Şa‘bâni’l-mu‘azzam li-sene semân ve sittîn ve elf. Şühûdü’l-hâl: Ahmed Çelebi b. Mehmed el-kâtibü’l-Mısrî, Bayram Beşe b. Mahmud er-râcil çukadâr, Süleyman Beşe b. Nuh er-râcil, Mustafa Çelebi el-muhzır ve gayruhüm.