Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 697 Hüküm no: 752 Orijinal metin no: [115a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Mustafa’nın satmak için teslim ettiği bakır hususunda Mustafa Çelebi b. Mehmed’in zimmetini ibra ettiği Edirne’de Hasan Paşa mahallesinde sâkine Sâliha bt. Mustafa nâm hâtun meclis-i şer‘de işbu bâ‘isü’l-kitâb Mustafa Çelebi b. Mehmed mahzarında ikrâr-ı tâm ve takrîr-i kelâm edip mezbûr Mustafa Çelebi’ye bey‘ edivermek için yedine bin yüz yirmi vakıyye bakır def‘ u teslîm ol dahi ahz u kabz edip yedi yüz otuz beş kıyye bakırımı bey‘ etmişidi hâlâ bâkī kalan üç yüz seksen beş kıyye bakırı yedime def‘ u teslîm edip ve benim emrim ile bey‘ eylediği yedi yüz otuz beş kıyye bakırın semeni olan kırk altı bin üç yüz akçeyi dahi yedime bi’t-tamâm def‘ u teslîm edip mezkûr Mustafa Çelebi ile zikrolunan bakıra ve bakır semenine müte‘allik vechen mine’l-vücûh ve sebeben mine’l-esbâb da‘vâ ve nizâ‘ım yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî sâbi‘ aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Sefer b. Ca‘fer, Yunus [b.] Mehmed, Mehmed [b.] Ali, Mustaa Ağa [b.] İsa, Mahmud [b.] Ali.