Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 697 Hüküm no: 751 Orijinal metin no: [115a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın aralarındaki alışveriş hususunda Üsküdar nahiyesine bağlı Pınarca köyü zimmilerinden bazısının zimmetini ibra ettiği Mahmiye-i Edirne sükkânından Mehmed b. Abdullah meclis-i şer‘de mahmiye-i mezbûre nevâhîsinden Üsküdar nâhiyesine tâbi‘ Pınarca nâm karye ahâlîsinden Kuzma v. Niko ve İstati v. Pasko ve Miho v. Piyo ve Derandi v. İstasi ve Dimo v. Kiro ve sâirleri muvâcehelerinde ikrâr-ı tâm ve takrîr-i kelâm edip karye-i mezbûre re‘âyâsıyla beynimizde nice ahz u i‘tâ vâki‘ olmağla hesâb ve kitâb edip işbu târih-i kitâba gelince ahâlî-i karye-i mezbûre zimmetinde bir akçe ve bir habbe hakkım bâkī kalmadı dedikde mukırr-ı mezbûrun vech-i meşrûh üzere cârî ve sâdır olan ikrârını ahâlî-i karye-i mezbûre vicâhen ve şifâhen tahkīk etmeğin mâ-vaka‘a bi’t-taleb ketb olundu. Fi’l-yevmi’s-sâdis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed [b.] Mustafa, İsa Bey [b.] Ahmed, Ca‘fer Bey [b.] Abdullah, Arslan Bey ve gayruhüm.