Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 699 Hüküm no: 756 Orijinal metin no: [115b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Mustafa’nın mehir ve nafaka hususunda boşandığı kocası Mustafa b. Murad’ın zimmetini ibra ettiği Edirne’de vâki‘ Medrese-i Ali Bey mahallesinde sâkine Hadice bt. Mustafa nâm hâtun zevc-i mutallıkı işbu bâ‘isü’l-kitâb Mustafa b. Murad nâm râcil mahzarında bi’t-tav‘i’s-sâf ikrâr ve takrîr-i kelâm edip mezbûr Mustafa[’nın] zevcesi olup târih-i kitâbdan bir gün mukaddem beni tatlîk etmekle zimmetinde mütekarrır olan bin akçe mehr-i müeccelimden ve nafaka-i iddet ve meûnet-i süknâm da‘vâsından merkūm Mustafa’nın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Tahrîren fi’s-sânî ve’l-ışrîn min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed b. Ali, Mustafa Efendi, Halil Çelebi b. Süleyman, Mehmed Çelebi b. Ahmed.