Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 700 Hüküm no: 758 Orijinal metin no: [116a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın Velika bt. Kaloyami’ye verdiği borcu tahsil edip aldığı rehin eşyayı sahibine iade ettiği Mahmiye-i Edirne’de sükkânından Mehmed b. Abdullah nâm kimesne meclis-i şer‘de işbu râfi‘atü’s-sifr Velika bt. Kaloyami nâm Nasrâniye mahzarında ikrâr ve takrîr-i kelâm edip mezbûr Velika yedimden ve malımdan beş yüz akçe istidâne ve kabz edip ve mukābilesinde bir kazgan-ı kebîr rehin vaz‘ ve teslîm edip ben dahi irtihân ve kabz etmişidim hâlâ meblağ-ı mezbûr beş yüz akçemi yedinden bi’t-tamâm ve’l-kemâl ahz u kabz edip rehin vaz‘ eylediği kazgan-ı kebîri yedine teslîm eyledim min ba‘d meblağ-ı mezbûr beş yüz akçeden mezbûre Velika zimmetinde bir akçe ve bir habbe hakkım bâkī kalmadı dedikde mukırr-ı mezbûrun vech-i meşrûh üzere cârî ve sâdır olan ikrârını mezbûre Velika vicâhen ve şifâhen tasdîk ve tahkīk etmeğin mâ-vaka‘a bi’t-taleb ketb olundu. Fi’l-yevmi’l-hâmis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed b. Mustafa, Süleyman [b.] Abdullah, Bayram Beşe, Ca‘fer b. Abdullah, Arslan b. ( ).