Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 700 Hüküm no: 759 Orijinal metin no: [116a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın Kosta v. Miho’dan satın aldığı bağı sahibine iade edip parasını geri aldığı Edirne sükkânından Mehmed b. Abdullah nâm [kimesne] meclis-i şer‘de Kosta v. Miho nâm zimmî mahzarında ikrâr ve takrîr-i kelâm edip merkūm Kosta mahmiye-i mezbûre nevâhîsinden Üsküdar nâhiyesine tâbi‘ Pınarca nâm karye hudûdunda vâki‘ bir tarafdan Silikoğlu demekle ma‘rûf ( ) zimmî bağı ve bir tarafdan Andreya nâm zimmî bağı ve bir tarafdan tarîk-ı âm ile mahdûd tahmînen bir dönüm mülk bağını bana altı yüz akçeye bâtten bey‘ ve teslîm edip ve kabz-ı semen etmişidi hâlâ fesh-i akd ve semen-i evvel ile ikāle eylediğimde ol dahi ikāleyi kabûl ve zikrolunan bağı tesellüm ve kabûl eyledikden sonra ben dahi semen-i bağ-ı mezkûr beş yüz akçeyi merkūm yedinden bi’t-tamâm alıp kabz eyledim ba‘de’l-yevm zikrolunan bağda vechen mine’l-vücûh alâka ve medhalim yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâlis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: es-Sâbıkūn.