Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 702 Hüküm no: 762 Orijinal metin no: [116a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Murad’ın boşadığı karısı Hadice bt. Mustafa ile evlilik ilişkisine girmekten men‘i Edirne’de vâki‘ Müderris Ali Bey mahallesinde sâkine Hadice bt. Mustafa zevci Mustafa b. Murad nâm râcil mahzarında da‘vâ ve takrîr-i kelâm edip mezbûr Mustafa târih-i kitâbdan bir gün mukaddem beni talâk-ı bâyin ile tatlîk edip ben dahi zimmetinde mütekarrır olan bin akçe mehr-i müeccelim da‘vâsından mezbûrun zimmetini ibrâ ve ıskāt etmişidim hâlâ tatlîkini inkâr edip dâhil-i firâş olmak ister suâl olunup min ba‘d benimle izdivâc ve mu‘âşeretden men‘ olunmak taleb ederim deyicek gıbbe’s-suâl ve akībe’l-inkâr mezbûre Hadice’den da‘vâsına mutâbık beyyine taleb olundukda udûl-i Müslimînden Mehmed b. Hüseyin ve Ebûbekir b. Veli nâm kimesneler li-ecli’ş-şehâde meclis-i şer‘a hâzırân olup fi’l-vâki‘ mezbûr Mustafa bizim huzûrumuzda zevcesi olan mezbûre Hadice’yi târih-i kitâbdan bir gün mukaddem talâk-ı bâyin ile tatlîk eyledi bu husûsa şâhidleriz şehâdet dahi ederiz deyu herbiri edâ-i şehâdet-i şer‘iyye eylediklerinde gıbbe’t-ta‘dîl ve’t-tezkiye şehâdetleri makbûle olmağın mûcibiyle hüküm birle. Fi’l-yevmi’s-sânî aşer min-Şevvâli’l-mükerrem [li-sene semân ve sittîn ve elf.] Şühûdü’l-hâl: Hasan b. Ali, Mehmed b. Hüseyin, Bayram Beşe, Ahmed Beşe.