Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 726 Hüküm no: 801 Orijinal metin no: [123b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayasofya-i kebîr mahallesindeki vakıf menzilin oturması için Mehmed Efendi b. Hasan’a tahsis olunduğu Dâru’l-hilâfeti’l-aliyye Kostantıniyye el-mahmiyye mahallâtından Ayasofya-i kebîr mahallesinde vâki‘ olup ashâb-ı hayrâtdan ( ) Vakfı ve süknâsını sulehâ-yı ulemâdan bir recüle şart ve ta‘yîn eylediği lede’l-ahâlî ve’l-cîrân ma‘lûmü’l-hudûd büyût-ı müte‘addideyi müştemil olan menzile tevcîh-i hâkim ile mutasarrıf olan Habib Efendi fevt olup menzil-i mezbûr mahlûl olmağın sulehâ-yı ulemâdan meskene eşedd-i ihtiyâc ile muhtâc mahall ü müstahık olan işbu sâhibü’l-kitâb Mehmed Efendi b. Hasan nâm kimesneye ber-mûceb-i şart-ı vâkıf menzil-i mezbûr tevcîh olunup tasarrufi’çün işbu vesîka ketb ve yedine def‘ olundu. Fi’l-yevmi’s-sâdis ve’l-ışrîn min-Zilka‘deti’ş-şerîfe li-sene semân ve sittîn ve elf. Şühûdü’l-hâl: Mehmed Efendi b. Mustafa, Bayram Bey, İsa Bey b. Ahmed, Arslan Bey b. Abdullah, Süleyman Çelebi b. Nuh, Süleyman b. Abdullah.