Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 736 Hüküm no: 815 Orijinal metin no: [127a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahya v. Şaver’in satmak üzere kendisine kehribar emanet eden Kasper v. Gazar’dan bin akçe kira ücreti alacağı olduğu iddiasıyla açtığı davada iddiasını ispat edemediği Mahmiye-i Edirne’de Çöplüce Hanı’nda sâkin Yahya v. Şaver nâm Ermeni meclis-i şer‘de işbu râfi‘ü’s-sifr Kasper v. Gazar nâm Ermeni muvâcehesinde üzerine da‘vâ ve takrîr-i kelâm edip mezbûr Kasper medîne-i Bursa’ya götür bey‘ ediver bey‘ mümkün olmazsa yine bana getirip teslîm eyle kirası’çün ne kadar akçe lâzım gelirse mâlından edâ eyle deyu yedime on beş kıyye kehribâ teslîm ve ben dahi ahz u kabz edip zikrolunan kehribâyı medîne-i mezbûreye götürüp bey‘ mümkün olmamağla tekrâr getirip yedine teslîm eyledim hâlâ kendi emriyle zikrolunan kehribâyı medîne-i mezbûreye götürüp getirince sarf eylediğim bin akçe kirâsını mezbûr Kasper’den taleb ederim suâl olunup alıverilmek matlûbumdur dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ikāmet-i beyyineden izhâr-ı acz edip istihlâf etmeğin vech-i muharrer üzere zikrolunan kehribâyı medîne-i mezbûreye götürüp bey‘ mümkün olmaz ise tekrâr bana getir teslîm eyle ve lâzım gelen kadr-i ma‘rûf kirâsını mâlından edâ eyle deyu emr eylemediğine mezbûr Kasper yemîn billâhi’l-lezî enzele’l-İncîle alâ İsa aleyhisselâm etmeğin bî-vech mu‘ârazadan men‘ birle mâ-vaka‘a bi’t-taleb sebt olundu. Tahrîren fi’l-yevmi’l-hâmis aşer min-Zilhicceti’ş-şerîfe li-sene semân ve sittîn ve elf. Şühûdü’l-hâl: Mehmed b. Mustafa, İsmail b. ( ), Arslan Beşe, Bayram Beşe, Ahmed Çelebi.