Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 754 Hüküm no: 847 Orijinal metin no: [133b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanımbey bt. Yahya’nın aldığı borç karşılığında rehin verdiği eşyaları alacaklısı Kesdestor v. Bağdaser ile birlikte satıp borcunu ödediği Mahmiye-i Edirne’de el-Hâc Doğan mahallesinde sâkine Hanımbey bt. Yahya nâm Nasrâniye meclis-i şer‘de Kesdestor v. Bağdaser nâm Ermeni mahzarında ikrâr ve takrîr-i kelâm edip bundan akdem merkūm Kesdestor’dan on yedi bin akçe istikrâz ve kabz eyleyip ve mukābilesinde on altın üçer kat incili bir saç bağı ve kırk sekiz miskāl bir altın bilezik ve bir altın gerdana vaz‘ ve teslîm ol dahi irtihân ve kabz eylemişidi hâlâ zikrolunan rihân-ı mezbûr Kesdestor ile ma‘an bey‘ edip ve deynim olan meblağ-ı mezbûr on yedi bin akçemi bi’t-tamâm edâ ve teslîm edip ve bâkī kalan semeni bi’t-tamâm ahz u kabz edip hâlâ zikrolunan rihâna müte‘allik olan da‘vâdan mezbûr Kesdestor’un zimmetini ibrâ-i âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâmin mine’l-Muharremi’l-harâm [li-sene tis‘a ve sittîn ve elf.] Şühûdü’l-hâl: Mehmed b. Hasan, Ali b. Veli, Ahmed b. Hasan.