Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 755 Hüküm no: 848 Orijinal metin no: [134a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun bt. Halil’in mehir ve eşya hususunda boşandığı kocası Ali Çelebi b. Hüseyin’in zimmetini ibra ettiği Edirne’de Kâtib-i cev mahallesinde sâkine Âişe Hâtun bt. Halil meclis-i şer‘de zevc-i mutallıkı Ali Çelebi b. Hüseyin mahzarında ikrâr ve takrîr-i kelâm edip merkūm Ali Çelebi zevcim olup târih-i kitâbdan on sene mukaddem beni tatlîk etmekle zimmetinde mütekarrır olan dört bin akçe mehr-i müeccelim ve müctemi‘ olan bin akçe nafaka-i iddet ve meûnet-i süknâm ki cem‘an beş bin akçe ve yüzer akçe kıymetli dört aded makrame ve yüz akçe kıymetli münakkaş kuşak zimmetinde kalmışidi hâlâ meblağ-ı merkūm beş bin akçenin iki bin beş yüz akçesini ahz u kabz edip meblağ-ı bâkī iki bin beş yüz akçe ve eşyâ-i merkūme da‘vâsından merkūmun zimmetini ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. [Fî] gurreti’l-Muharremi’l-harâm sene 1069. Şühûdü’l-hâl: Ahmed [b.] Hasan, Mehmed [b.] Ali, Ali [b.] Derviş, Ahmed [b.] Muharrem, Halil [b.] Eyüb.