Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 57 Hüküm no: 8 Orijinal metin no: [3a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hırsızlık yapan Ali b. Memi’nin sağ elinin kesilmesine hükmedildiği Mahmiye-i İstanbul’da Kâtib Muslihiddin Mahallesi ahâlîsinden Veli Beşe b. Ahmed nâm kimesne Dîvân-ı Hazret-i Sadr-ı a‘zamî’de ma‘kūd meclis-i şer‘-i âlîde şerbetçi tâifesinden Ali b. Memi nâm kimesne mahzarında üzerine da‘vâ ve takrîr-i kelâm edip bundan akdem mezbûr Ali mahmiye-i mezbûrede Ali Paşa sûkunda vâki‘ muhrez bakkāl dükkânımı gece ile kilidini kırıp içerisine girip altmış esedî guruş ile üç bin akçemi sirka etmişidi hâlâ suâl olunup ihkāk-ı hak olunmak matlûbumdur dedikde gıbbe’s-suâl mezbûr Ali cevâbında fi’l-vâki‘ zikrolunan Ali Paşa sûkunda vâki‘ mârrü’z-zikr muhrez bakkāl dükkânının gece ile kilidini kırıp içerisine girip müdde‘î-i mezbûrun altmış esedî guruş ile üç bin akçesini sirka etmişidim deyü bi-tav‘ihiikrâr ve i‘tirâf etmeğin mûcebince mezbûr Ali’nin sağ elini kat‘a hüküm birle mâ-vaka‘a bi’t-taleb ketb olundu. Fi’l-yevmi’s-sâlis aşer min-Şevvali’l-mükerrem li-sene tis‘în ve elf. Şuhûdü’l-hâl: Umdetü erbâbü’t-tahrîr ve’l-kalem Ali Efendi Tezkire-i ûlâ, zübdetü ashâbi’t-tastîr ve’r-rakām Mustafa Efendi Tezkire-i sâniye, fahrü’l-eşbâh Mehmed Ağa Ser-çavuşân, fahrü’l-emsâl Mehmed Ağa Ser-muhzırân.