Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 95 Hüküm no: 54 Orijinal metin no: [14a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden İbrahim Ağa b. Mustafa Efendi’nin küçük çocuklarına Ali Ağa b. Yusuf’un vasî tayin olunduğu Mahmiye-i İstanbul’da Avratpazarı kurbünde Hobyar Mahallesi ahâlîsinden olup bundan akdem Çehrin seferinde vefât eden İbrahim Ağa b. Mustafa Efendi’nin sulbî sagīr oğlu Mehmed Çelebi ile sulbiye sagīre kızı Fâtıma’nın kıbel-i şer‘den mansûb vasîsi olan umdetü’l-emâcid ve’l-ekârim hâlâ başbâkīkulu es-Seyyid Mustafa Ağa vesâyet-i mezbûreden izhâr-ı acz edip kasr-ı yed etmekle ref‘ olunup yerine hâfızü’l-kitâb Ali Ağa b. Yusuf nâm kimesne her vechile vesâyet-i mezbûre uhdesinden gelmeğe kemâ-yenbagī iktidârı olmağla sagīrân-ı mezbûrân için mezbûr Ali Ağa kıbel-i şer‘-i şerîfden vasî nasb ve ta‘yîn olundukda ol dahi vesâyet-i mezbûreyi kabûl ve levâzımını edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâbi‘ aşer min-Zilka‘deti’ş-şerîfe li-sene tis‘în ve elf. Şuhûdü’l-hâl: Mustafa Efendi b. Mehmed, Mehmed Efendi el-imâm, diğer Mehmed Efendi b. Mehmed Efendi, Hüseyin Çelebi el-müezzin, Kadri Efendi el-müderris.