Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 300 Hüküm no: 268 Orijinal metin no: [72b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arslan Bey b. Rıdvan’ın cariyesi Mülayim bt. Abdullah’ı azat ettiği Mahmiye-i İstanbul’da Karabaş Mahallesi ahâlîsinden Arslan Bey b. Rıdvan nâm kimesne meclis-i şer‘-i hatîrde kendüye rıkkını mu‘terife olan açık kaşlı elâ gözlü orta boylu Rusiyyetü’l-asl işbu râfi‘atü’l-kitâb Mülâyim bt. Abdullah muvâcehesinde ikrâr ve takrîr-i kelâm edip câriyem mevsûfe-i mezbûre Mülâyim’i hasbeten lillâhi’l-aliyyü’l-azîm ve taleben li-merzâti’r-Rabbi’r-Rahîm mâlımdan tahrîr ve i‘tâk ve zümre-i harâir-i asliyâta idrâc ve ilhâk eyledim ba‘de’l-yevm mevsûfe-i mezbûre Mülâyim sâir harâir-i asliyât gibi hürre olup üzerinde velâdan gayrı hakkım kalmadı dedikde mâ-hüve’l-vâki‘ bi’t-taleb ketb olundu. Fi’l-yevmi’s-sânî aşer min-Rebî‘i’l-evvel li-sene ihdâ ve tis‘în ve elf. Şuhûdü’l-hâl: Hüseyin b. Rıdvan, Mehmed b. Şükrullah, Ali b. Şükrullah, İbrahim Çelebi b. ( ), Mahmud Çelebi b. ( ), Ahmed Çelebi b. Piyale.