Bab Mahkemesi 54 Numaralı Sicil (H. 1102 / M. 1691) cilt: 20, sayfa: 342 Hüküm no: 412 Orijinal metin no: [71b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Abdullah’ın, mehir ve nafaka alacağı hususunda eski kocası Mehmed b. Yusuf’un zimmetini ibra etmesi Mahmiye-i İstanbul’da Müfti Ali Çelebi mahallesinde sâkine Fâtıma bt. Abdullah nâm hâtun meclis-i şer‘-i şerîf ve mahfil-i dîn-i münîf-i ezherde, zevc-i sâbıkı işbu sâhibü’l-kitâb Mehmed b. Yusuf nâm kimesne mahzarında ikrâr-ı tâm ve takrîr-i kelâm edip, ben mezbûr Mehmed’in bundan [akdem]? zevce-i menkûhası olup, beni bâyinen tatlîk etmekle, zimmetinde mütekarrir ve ma‘kūdun-aleyh olan bin yedi yüz akçe mehr-i müeccelimden mezbûr Mehmed yedinden yedi yüz akçesini ahz u kabz edip, meblağ-ı merkūmdan bâkī kalan bin akçeye ve nafaka-i iddet-i ma‘lûmeme ve me’ûnet-i süknâma müte‘allika mezbûr Mehmed ile kat‘â da‘vâ ve nizâ‘ım kalmayıp, zimmetini ibrâ ve iskāt eyledim dedikde, gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min Cumâdelâhire sene 1102. Şuhûdü’l-hâl: Mustafa b. Şaban, Nasuh b. Osman, Osman b. Hasan, İbrahim Çelebi b. Hasan, Mehmed b. Zülfikar.