Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 57 Hüküm no: 2 Orijinal metin no: [1b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife Hatun’un Emetullah Hatun’a borçlu olduğu Mahmiye-i İstanbul’da Sultânhamamı kurbünde sâkine olup zâtını ma‘rifet-i şer‘iyye ile ârifân zikr olunan Sultânhamamı kurbünde sâkin Mehmed Çelebi b. Yusuf ve Rasul b. Ali nâm kimesneler ta‘rîfleriyle mu‘arrefe olan Hanife bt. Abdullah nâm hatun mahmiye-i mezbûrede meclis-i şer‘-i hatîr-i lâzımü’t-tevkīrde işbu bâ‘isü’l-kitâb Emetullah Hatun bt. Mehmed mahzarında ikrâr-ı tam ve takrîr-i kelâm edip Emetullah Hatun yedine verdiğim deyn temessükü nâtık olduğu üzere mezbûre Emetullah Hatun bundan [akdem] malından bana üç yüz elli guruş ikrâz ve teslîm ben dahi iktirâz ve teslîm ve kabz ve masârıfıma sarfla istihlâk etmekle bu vech üzere merkūme Emetullah Hatun’a hâlâ zimmetimde vâcibü’l-edâ ve lâzımü’l-kazâ üç yüz elli guruş deynim vardır deyü bi-tav‘ihî ikrâr etmeğin merkūme Emetullah Hatun dahi tasdîk ve tahkīk etmekle mâ-vaka‘a bi’t-taleb ketb olundu. Fi’l-yevmi’l-âşir min-Muharremü’l-haram li-sene sitte aşere ve mi’e ve elf. Şuhûdü’l-hâl: Hüseyin Efendi b. Himmet, İsmail Efendi b. Siyaguş, Emin Mehmed Efendi el-kâtib, el-Hâc Yusuf b. Osman.