Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 104 Hüküm no: 66 Orijinal metin no: [14b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Mustafa’nın eşi Halil’den muhalaa usulüyle boşanması Mahmiye-i İstanbul’da Çukurhamam kurbünde sâkine Hadîce bt. Mustafa nâm hatun zâtı ba‘de’t-ta‘rîfi’ş-şer‘î mahmiye-i mezbûrede meclis-i şer‘-i şerîf-i enverde zevc-i muhâlı‘ı işbu bâ‘isü’l-kitâb Halil b. İbrahim nâm kimesne mahzarında bi-tav‘ihâ ikrâr ve takrîr-i kelâm edip zevcem mezbûr Halil ile beynimizde hüsn-i zindegânemiz olmamağla zimmetinde mütekarrir ve ma‘kūdün-aleyh olan bin akçe mehr-i müeccelimden fâriğā olup ve nafaka-i iddet-i mu‘ayyenem ve meûnet-i süknâm dahi kendi üzerime olmak üzere zevcim mezbûr Halil ile muhâla‘a-i sahîha-i şer‘iyye ile muhâla‘a olup ol dahi vech-i mezkûr üzere hul‘-ı mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-Muharremü’l-haram li-sene sitte aşere ve mi’e ve elf. Şuhûdü’l-hâl: Veliyüddin Efendi el-kādı, Mehmed Emin Efendi el-kādı, el-Hâc Osman b. Hasan, el-Hâc Yusuf b. Osman.