Bab Mahkemesi 54 Numaralı Sicil (H. 1102 / M. 1691) cilt: 20, sayfa: 355 Hüküm no: 430 Orijinal metin no: [75a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Nasuh’un, Ömer Çelebi b. Nasuh’u vekil tayin etmesi Mahmiye-i İstanbul’da Har[âc]cı Muhyiddin mahallesi sükkânından Mehmed Çelebi b. Nasuh nâm kimesne meclis-i şer‘-i şerîf-i enverde, takrîr-i kelâm ve ta‘bîr ani’l-merâm edip vilâyet-i Rumeli’nde Drama kasabası sâkinelerinden Himmet Bey zevcesi demekle ma‘rûfe olup bundan akdem vefât eden Hatice bt. ( ) nâm hâtun mûrisemiz olmağla, hâlâ terekesine vâzı‘u’l-yed olan kasaba-i mezbûre voyvodası ve sâir vâzı‘u’l-yed olanlardan hisse-i irsiyemi taleb ve da‘vâ ve ahz u kabza ve işbu karındaşım Ömer Çelebi b. Nasuh kasaba-i mezbûrede sâkin Şeyhzâde demekle şehîr Hasan Efendi nâm kimesneyi kabûlüne mevkūfe vekâletle vekîl ve nâ’ib-i menâb nasb eyledim dedikde, mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Cumâdelâhire li sene 1102. Şuhûdü’l-hâl: Seyyid Çelebi b. İsmail, Hasan Beşe b. Mehmed, Halil Çelebi b. Ali, İbrahim Çelebi b. Ahmed, İbrahim Efendi b. Mustafa.