Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 399 Hüküm no: 399 Orijinal metin no: [94b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un küçük kızı Ümmühani için nafaka tayin edilmesi Mahmiye-i İstanbul’da Mimarsinan mahâllesi sâkinelerinden olup zâtı Ahmed Efendi b. Hasan ve el-Hâc Hüseyin b. Ahmed nâm kimesne ta‘rîfleriyle mu‘arrefe olan Emine bt. Ebubekir nâm hatun mahmiye-i mezbûrede meclis-i şer‘de takrîr-i kelâm edip zevc-i sâbıkım işbu hâzır bi’l-meclis Ahmed Çelebi b. Osman nâm kimesnenin firâşından hâsıla ve benden mütevellide olup hâlâ bi-hakkı’l-hıdâne hacr ve terbiyemde olan sagīre kızım Ümmügülsüm nâm sagīre kadr-ı kifâye nafaka ve kisve-baha farz ve takdîr olunmak matlûbumdur dedikde hâkim-i muvakkı‘-ı sadr-ı kitâb tûbâ lehû ve hüsnü-meâb hazretleri dahi sagīre-i mezbûre Ümmügülsüm’e târîh-i kitâbdan babası mezbûr Ahmed Çelebi üzerine beher yevm bi’t-terâzî dörder akçe nafaka ve kisve-baha farz ve takdîr edip meblağ-ı mezbûr sagīre-i mezbûrenin nafaka ve kisve ve sâir levâzım-ı zarûriyesine harc u sarfa ve vakt-i zarûretde istidâne [95a] ve lede’z-zafer babası mezbûr Ahmed Çelebi üzerine rücû‘a izin vermeğin mâ vaka‘a bi’t-taleb ketb olundu. Fi’l-yevmi’l-hâ[mis] ve’l-ışrîn min-Cumâdelûlâ sene sitte aşere ve mi’e ve elf. Şuhûdü’l-hâl: İmam Ahmed Efendi b. Receb, el-Hâc Osman b. Mehmed, el-Hâc Ali b. Mehmed, Ahmed Beşe b. el-Hâc Hasan, el-Hâc Halil b. Ahmed, Müezzin İbrahim Çelebi b. Kenan, el-Hâc Mustafa b. Mehmed, el-Hâc Musa b. Mehmed