Bab Mahkemesi 54 Numaralı Sicil (H. 1102 / M. 1691) cilt: 20, sayfa: 376 Hüküm no: 456 Orijinal metin no: [80a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mustafa’nın kızının nafakası hususunda boşandığı kocası Mehmed Beşe b. Hasan ile anlaşması Mahmiye-i İstanbul’da Çerağî Hamza mahallesinde sâkine Fâtıma bt. Mustafa nâm hâtun meclis-i şer‘-i şerîf-i enver ve mahfil-i dîn-i münîf-i ezherde, zevc-i sâbıkı Mehmed Beşe b. Hasan nâm kimesne mahzarında ikrâr-ı tâm ve takrîr-i kelâm edip, mezbûr mahalleden bundan akdem zevcim olup bâyinen beni tatlîk etmeğin, mezbûrun firâşından hâsıla ve benden mütevellide sadriye kızım işbu Ayşe nâm sagīre için mezbûr Mehmed Beşe’den nafaka taleb etmeyip kendi mâlımdan infâk ve iksâ etmek üzre mezbûr Mehmed Beşe dahi sagīre-i mezbûre Ayşe’yi benden ahz etmeyip, benim hacr [ve] terbiyemde olmak üzre her birimiz râzı ve müte‘ahhid olduk dedikde, gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min Cumâdelâhire li sene 1102. Şuhûdü’l-hâl: İbrahim Çelebi b. Ahmed, Çavuşzâde Mehmed Çelebi, Receb Efendi b. ( ), Çukadâr Hasan Beşe.