Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 67 Hüküm no: 4 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nevşehirli İsmail Ağa’nın vefat eden Mustafa’da olan alacağının terekesinden ve varislerinden tahsil olunması Ma‘rûz Bâ‘isü’l-i‘lâm Nevşehirli İsmail Ağa b. Abdurrahman mahfil-i şer‘iyyâtda müteveffâ el-Hâc Mustafa b. Abdullah’ın veresesinden sulbî kebîr oğlu Türbedâr Mehmed muvâcehesinde mezbûr Mehmed’in babası müteveffâ-yı mezbûr el-Hâc Mustafa hayatında malımdan yedinde emânetim olan iki yüz seksen guruşumu kendi masârıfına sarfla istihlâkına binâen zimmetinde bana deyni olup kable’l-edâ fevt oldukda meblağ-ı mezbûrun yirmi beş guruşunu terekesinden ahz ve yüz otuz guruş mutâlebesinden dahi zimmetini ibrâ etmiş idim. Hâlâ mezbûr Türbedâr Mehmed hisse-i irsiyesi olmak üzere deyn-i mezbûra vâfî babası müteveffâ-yı mezbûrun terekesine vâzı‘u’l-yed olmağla meblağ-ı bâkī-i mezbûru taleb ederim deyü da‘vâ etdikde, mezbûr Türbedâr Mehmed dahi fi’l-hakīka kaziyye minvâl-i muharrer üzere olduğunu ikrâr ü i‘tirâf etmeğin mûcebiyle ba‘de’l-hükm, meblağ-ı mahkûmün-bih-i mezkûrun yirmi beş guruş mutâlebesinden mezbûr Mehmed’in verese-i sâire-i ma‘lûmesinin zimmetlerini ibrâ ve iskāt edip mezbûr Mehmed dahi ibrâ-i mezbûru tasdîk ve kabûl edip ve bâkī kalan yüz guruşu dahi târîh-i i‘lâmdan üç gün tamâmında mezbûr İsmail Ağa’ya edâya ta‘ahhüd eylediği huzûr-ı âlîlerine i‘lâm olundu. Fî 23 Cemâziyelâhire sene 1171